Swyddi Gwag
Mae Tai Canolbarth Cymru'n fenter bach a chanolig gyda'i phencadlys yn Y Drenewydd, Powys, ac mae'n cyflogi staff yn y meysydd hyn:
- Prif Weithredydd (Cynorthwyydd Personol)
- Gwasanaethau Corfforaethol (Gwasanaethau Cwsmeriaid a Chefnogaeth, Cyllid, Gwybodaeth a Pherfformiad)
- Gwasanaethau Gweithredol (Rheoli Asedau, Datblygu, Gwasanaethau Tai)
Mae Tai Canolbarth Cymru yn cynnig i staff:
- Telerau ac amodau gwaith rhagorol, gan gynnwys oriau hyblyg
- Cyflogau cystadleuol
- Ystod rhagorol o fuddion gan gynnwys pensiwn a chynllun iechyd preifat
- Cyfleoedd ar gyfer hyfforddiant a datblygiad proffesiynol
Croesawn geisiadau gan bawb, ac ni wahaniaethir ar sail hil, oed, rhyw, rhywioldeb, tarddiad ethnig neu anabledd.
Am fwy o wybodaeth ar gyfleoedd gwaith gyda Tai Canolbarth Cymru, cysylltwch â'r Cydlynydd Adnoddau Dynol ar 01686 620514.
Swyddi gwag ar hyn o bryd
I geisio am unrhyw un o'r swyddi isod, bydd raid i chi:
- Lawrlwytho manylion y swydd sydd o ddiddordeb i chi. Mae hyn yn cynnwys swydd-ddisgrifiad a manyleb person llawn ar gyfer y swydd.
- Darllen y datganiadau Cyfle Cyfartal a'r Broses Recriwtio.
- Cewch wedyn ddewis llenwi'r ffurflen gais ar-lein neu lawrlwytho'r ffurflen a'i gyrru atom trwy'r post. (Fel arall, ar dudalen Cysylltwch â ni , cewch ofyn am i ni anfon copi caled o'r Ffurflen Gais atoch trwy'r post).
Rhaid llenwi'r ffurflen yn llawn (ar ben hynny, cewch atodi C.V. i'r ffurflen, neu ei anfon trwy e-bost os ydych chi'n defnyddio'r ffurflen ar-lein), a'i chyflwyno i'r Gymdeithas erbyn y dyddiad cau a nodir.
Hysbysir pob ymgeisydd, mor fuan â phosib ar ôl y dyddiad cau, a ydynt wedi cyrraedd y rhestr fer, neu a ydynt wedi bod yn aflwyddiannus y tro hwn.
Dalier Sylw: Am rai swyddi, bydd angen holi'r Swyddfa Cofnodion Troseddol a chael ateb boddhaol amdanoch. Fodd bynnag, ni wneir hyn ond am yr ymgeisydd(ion) llwyddiannus.
Aelodau Bwrdd Gwirfoddol
Mae’r Gymdeithas yn edrych am unigolion ymroddedig a all ein helpu i ddatblygu ein busnes a gwella ein gwasanaethau i denantiaid. Nid oes tâl am y swydd, ond bydd y Gymdeithas yn talu am yr holl dreuliau rhesymol. Cliciwch yma i weld y manylion llawn»
