Amdanom Ni

Sefydlwyd Cymdeithas Tai Canolbarth Cymru ym 1975, ac mae ganddi dros 1200 o dai ledled Powys a Cheredigion yn ogystal ag ychydig o dai yn Swydd Amwythig.

O'i phencadlys yn Y Drenewydd, a'i swyddfa ardal yn Llandrindod, mae Tai Canolbarth Cymru'n darparu tai ar osod am gost fforddiadwy. Mae ei chleientiaid amrywiol yn cynnwys teuluoedd, pobl sengl o bob oed, yr henoed, a phobl sydd angen gofal a chymotth, naill ai'n achlysurol, neu ynteu'n llawn amser.

Rheolir y Gymdeithas gan Fwrdd Rheoli. Nid yw aelodau'r Bwrdd yn cael eu talu am eu gwasanaeth; maent yn rhoi eu hamser o'u gwirfodd. Mae'n Haelodau'n dod o amryw lefydd ar draws ein hardal, ac o gefndiroedd gwahanol, gan gynnwys adeiladu, cyllid, llywodraeth leol, cyrff gwirfoddol, ac wrth gwrs, tai.

Strwythur Trefniadol

Ar hyn o bryd, mae gan y Gymdeithas bedair adran fel a ganlyn:

• Prif Weithredydd (Cynorthwyydd Personol, Gweinyddiaeth, a Derbynfa)
• Gwasanaethau Corfforaethol (Cyllid, Adnoddau Dynol, Gwybodaeth, a Pherfformiad)
• Gwasanaethau Technegol (Datblygu, Rheoli Asedau, Garddio, Gwasanaethau Cymunedol)
• Gwasanaethau Tai (Rheoli Tai, Glanhau)

Ein Gweledigaeth

Mae'r Gymdeithas yn ei gweld ei hun fel arf bwysig wrth geisio mynd i'r afael ag anghenion tai'r Canolbarth am y dyfodol rhagweladwy. Mae'r Gymdeithas yn bwriadu canolbwyntio'n bennaf ar ei swyddogaeth graidd o ddatblygu a chynnal tai fforddiadwy o safon uchel ar gyfer pobl mewn angen, a darparu gwasanaeth rheoli effeithlon, gofalgar o safon uchel.

Mae'n cydnabod pwysigrwydd tai yn y gymuned ehangach, ac yn teimlo ei bod yn bwysig ystyried sut y gall ddefnyddio ei chryfder economaidd i fynd i'r afael â rhai o'r anghenion ehangach. Un o brif ganolbwyntiau ei Strategaeth Datblygu Cymunedol fydd effaith ei datblygiadau presennol a newydd ar gymunedau, yn aml cymunedau bychain.

Ein Gwerthoedd

Er bod yr hyn y mae'n ei gyflawni'n bwysig iawn, mae'r Gymdeithas yn credu, gan ei bod yn "Fenter Gymdeithasol", fod y modd y mae'n cyflawni pethau'r un mor bwysig. Mae ei gwerthoedd corfforaethol yn rheoli sut mae'n cynllunio gwireddu ei hamcanion, ac yn bwysig iawn wrth i fudd-ddeiliaid strategol benderfynu a ydynt eisiau gweithio gyda'r Gymdeithas yn y dyfodol.

Gwerthodd Corfforaethol y Gymdeithas yw:

• Onestrwydd ac Ymrwymiad - Byddwn yn onest ac yn agored am ein hamcanion, ac yn gadarn wrth eu gwireddu.
• Canoli ar y Cwsmer - Bydd ymateb i anghenion a dyheadau'n cwsmeriaid yn flaenoriaeth uchel.
• Ansawdd a Safonau Uchel - Byddwn yn anelu at ddarparu'r gwasanaeth gorau y gallwn. Ein nod fydd "rhagoriaeth".
• Effeithlonrwydd - Anelwn at sicrhau'r defnydd gorau posib o adnoddau cyfyngedig, a cheisiwn gynyddu effaith ein gweithgaredd i'r eithaf
• Mentrus ac Arloesol - Byddwn yn annog staff i fod yn broffesiynol, ac i feddwl dros eu hunain wrth ddatrys problemau'n cwsmeriaid; ac i ffocysu ar y canlyniad (nid y broses).