Ein Llwyddiannau

Mae symud ar draws daliadaethau yn ffordd o annog cymunedau cytbwys. Islaw amlinellir dull y mae Cymdeithas Tai Canolbarth Cymru (MWHA) yn ei ddefnyddio gyda’r nod o ymateb i’r newid mewn amgylchiadau teuluoedd heb orfod symud tŷ.

ASTUDIAETH ACHOS: CYFLAWNI DALIADAETH NIWTRAL YNG NGHEGIDFA, POWYS

Mae Cymdeithas Tai Canolbarth Cymru wedi datblygu’r cynllun cyntaf yng Nghymru lle caiff unedau eu datblygu a’u dyrannu ar sail angen, fel nad oes rhestr aros ar wahân. Unwaith y bydd y tenantiaid wedi symud i mewn, mae MWHA yn cynnig cyfle iddynt ymuno â’r cynllun “Cymorth Prynu”. Ni fydd hyn yn bosibl i lawer ar y pryd, ond gall amgylchiadau newid ac mae’r cynnig yn dal yno. Ar gyfer yr anheddau a werthir, os yw’r perchennog yn penderfynu gwerthu eu hannedd yna mae MWHA yn cadw’r hawl i ail-brynu’r annedd (er y gall ddewis peidio gwneud hynny). Mae hyn yn diogelu’r stoc fforddiadwy ar gyfer y dyfodol.

Teimlwn fod hwn yn gynllun da oherwydd nid dim ond un teulu (gyda’r uned gyntaf) y mae MWHA yn eu helpu, ond gall helpu gynorthwyo ail deulu. Os prynir yr annedd, yna mae’r Gronfa Grant Gyfalaf Eilgylch yn ei gwneud yn bosibl datblygu uned arall. Yr allwedd i hyn yw sicrhau fod y Gronfa ar gael pan fydd ei hangen - mae hyn yn broblem os caiff ei “adhawlio” ar ôl cyfnod o 2 flynedd.

Mae hyn yn golygu y gall cynllun o gartrefi cynnwys rhai ar rent a rhai wedi eu prynu. Os eir â’r cysyniad ymhellach, ni ddylai fod unrhyw reswm pam na fedrai tenant symud ymlaen i ddod yn berchennog, ac efallai’n ôl i fod yn denant, heb orfod symud tŷ ac i gyd-fynd â gwahanol gyfnodau eu bywyd. Medrai cynlluniau wedyn fod yn rhai daliadaeth gymysg a ni fyddai mor amlwg pa gartrefi oedd wedi eu gwerthu a pha rai sydd ar rent.