Perfformiad

-  Perfformiad gwaeth na’r chwarter diwethaf

Enillwyr Gwobrau:

Enillydd y wobr 1af oedd Mr Crane o Aberystwyth - £150

Enillwyr yr 2il wobr oedd Mr a Mrs Parker o Fachynlleth - £100

Mae enillydd y 3edd wobr yn dymuno parhau’n ddienw

Enillodd deg tenant arall wobrau o £10 yr un

Rhai o ganlyniadau Arolwg STATUS a sut mae’r Gymdeithas yn bwriadu gweithredu arnynt

Ffurfiwyd grŵp bach i weithio ar y ffordd orau ymlaen ar gyfer y Gymdeithas yn seiliedig ar ganlyniadau’r arolwg. Gwneir yr arsylwadau dilynol gyda sylwadau ar sut mae’ r Gymdeithas yn bwriadu delio gyda’r pwyntiau a nodwyd.

FFIGUR 3.5 (Y meysydd gwasanaeth pwysicaf i denantiaid - pan ofynnwyd iddynt ddewis y tri uchaf) 

82% - Atgyweiriadau a chynnal a chadw

59% - Ansawdd cyffredinol eich cartref

33% - Cymdogaeth fel lle i fyw

33% - Gwerth am arian am eich rhent

30% - Delio gydag ymddygiad gwrthgymdeithasol

30% - Rhoi gwybod i denantiad beth sy'n digwydd

28% - Rhoi ystyriaeth i farn tenantiaid

Mae siart 3.5 yn dangos pa dri gwasanaeth y mae eu tenantiaid yn ystyried y pwysicaf iddynt.

FFIGUR 3.6 (Faint o angen gwella ar ein gwasanaethau allweddol) 

AGORIAD = a) Angen Peth Gwella   b) Angen LLawer O Wella   c) Dim Angen Gwella 

a) 53% b) 15% c) 32% - Ansawdd cyffredinol eich cartref

a) 44% b) 16% c) 39% - Atgyweiriadau a chynnal a chadw

a) 42% b) 14% c) 44% - Rhoi ystyriaeth i farn tenantiaid

a) 37% b) 8% c) 56% - Gwerth am arian am eich rhent

a) 36% b) 7% c) 58% - Rhoi rhan i denatiaid mewn rheolaeth tai

a) 25% b) 5% c) 70% - Rhoi gwybod i denantiad beth sy'n digwydd

1. Dengys yr wybodaeth yn siart 3.6 fod tenantiaid yn teimlo fod angen i’r Gymdeithas wella’r gwasanaeth ‘rhoi ystyriaeth i farn tenantiaid’.

Sylwadau’r Cyfarfod:  Teimlai’r grŵp fod angen i’r Gymdeithas fynd ati i recriwtio tenantiaid i gymryd rhan mewn Gwaith Grŵp.

2. Credai 45% o denantiaid y medrid gwella gwerth am arian ar gyfer y rhent.

Sylwadau’r Cyfarfod:  Caiff rhenti’r Gymdeithas eu gosod yn unol â rhenti meincnod Llywodraeth Cynulliad Cymru.

3. Rydym yn gwrando ar farn tenantiaid. Fodd bynnag, o ganlyniadau’r arolwg sylweddolwn fod angen i ni gael mwy o gyswllt gyda thenantiaid ac rydym yn edrych ar ffyrdd i wneud hyn.

4. Yng nghyswllt problemau lleol, mae’r Gymdeithas yn gweithio’n agos gyda’r Bartneriaeth Diogelwch Cymunedol sy’n cynnwys Gwasanaethau Cymdeithasol, yr Heddlu a sefydliadau cefnogaeth eraill.

5. Ni ddynodwyd problemau gydag Ymddygiad Gwrthgymdeithasol mewn unrhyw ardal neilltuol o’i weithrediad.

Sylwadau’r Cyfarfod: Mae gan y Gymdeithas gynlluniau i gynnal adolygiad o Reolaeth Stad a bydd yn cynnwys Ymddygiad Gwrthgymdeithasol yn y cwmpas.

6. Dan bennawd Gofal Cwsmeriaid, roedd 87% o ymatebwyr yn fodlon gyda pha mor  barod yw staff i gynorthwyo.

Sylwadau’r Cyfarfod:  Mae’r tenantiaid yn gwybod fod y Gymdeithas wedi datblygu Adran Gwasanaethau Cwsmeriaid a Chefnogaeth yn ddiweddar er mwyn trin galwadau fel y pwynt cyswllt cyntaf heb orfod trosglwyddo’r sawl sy’n galw i aelodau eraill o’r staff.

7. Roeddem yn falch iawn i gael ymateb cadarnhaol iawn i wasanaethau ar-lein,

Sylwadau’r Cyfarfod:  Yn seiliedig ar yr ymateb yma, byddwn yn datblygu a gwella’r gwasanaethau ymhellach, yn ychwanegol at y cyfleuster talu rhent ar-lein sydd eisoes ar waith.

8. Drwyddi draw yn cynnwys pob agwedd o’r gwaith atgyweirio roedd 81% o denantiaid yn fodlon gyda’r gwasanaeth atgyweirio a chynnal a chadw. Yn nhermau boddhad cyffredinol gyda gwasanaeth Tai Canolbarth Cymru, yr elfen bwysicaf o ddigon i denantiaid yw’r Gwasanaeth Atgyweirio a Chynnal a Chadw gan olygu os cawn hyn yn iawn, y bydd lefelau boddhad yn cynyddu ar draws gwasanaethau eraill.

9. Casgliad yr Adroddiad:  Pan gymherir yr ymateb gydag ymateb tenantiaid (anghenion cyffredinol a thai gwarchod) landlordiaid cymdeithasol tebyg, roedd tenantiaid Tai Canolbarth Cymru ar bob achlysur yr un mor fodlon â thenantiaid landlordiaid eraill. Roedd perfformiad Tai Canolbarth Cymru ym mhob maes yn uwch na chyfartaledd cronfa ddata’r Ffederasiwn ac yn uwch na chyfartaledd cronfa ddata'r Ffederasiwn ar gyfer landlordiaid Cymru ar gyfer cyswllt cwsmeriaid ac agweddau o’r gwasanaeth atgyweirio a chynnal a chadw.

Mae Jane Jones yn dymuno dweud ‘Diolch yn fawr iawn’ i bawb a lenwodd ei holiadur ar Gyfranogiad Tenantiaid - mae eich ymatebion wedi’i galluogi i orffen a chyflwyno ei thraethawd hir, ac maent hefyd wedi helpu i hysbysu’r Gymdeithas am sut y teimlwch am gyfranogiad tenantiaid a sut mae’r Gymdeithas yn gwneud:

- Mae 26% o ymatebwyr yn cytuno’n gryf a 66% yn cytuno fod Tai Canolbarth Cymru yn ceisio barn ein tenantiaid. Yn ffodus, dim ond 7% sy’n anghytuno a 1% yn anghytuno’n gryf.

- Mae 14% o ymatebwyr yn cytuno’n gryf a 74% yn cytuno fod y Gymdeithas yn gwneud cyfranogiad tenantiaid yn flaenoriaeth. Mae 11% yn anghytuno gyda’r datganiad a 1% yn anghytuno’n gryf: rhywbeth i ni weithio arno.

- Mae 20% yn cytuno’n gryf fod cyfranogiad tenantiaid yn gwneud gwahaniaeth cadarnhaol i’r gwasanaethau a ddarperir gan y Gymdeithas; mae 69% yn cytuno, 10.5% yn anghytuno a 0.5% yn anghytuno’n gryf.

Credem fod y rhain yn negeseuon cadarnhaol iawn a gwnawn ein gorau i droi’r rhai sy’n ‘anghytuno’ yn rhai sy’n ‘cytuno.

Gofynnodd Jane pa mor effeithiol y credai tenantiaid fod gwahanol ddulliau o gyfranogiad tenantiaid. Dyma’r 5 uchaf:

1. Cylchlythyron

2. Arolygon tenantiaid

3. Cardiau post canmol a chwyno

4. Tenantiaid yn Aelodau Bwrdd

5. Taflen perfformiad chwarterol

Y prif reswm dros i’n tenantiaid BEIDIO cymryd rhan yw oherwydd eu bod yn ‘hapus gyda’r ffordd y mae pethau, a ddilynwyd yn agos ‘dim digon o amser’. Ac yn olaf, ni chredai 86% o’n hymatebwyr fod ffyrdd eraill neu well o gynnwys ein tenantiaid; credai 14% fod rhai a gwnaed rhai awgrymiadau da iawn, a byddwn yn gweithredu rhai ohonynt:

- trefnu cyfarfodydd ardal fach i ddatrys problemau ymddygiad gwrthgymdeithasol

- gwneud cyfarfodydd yn fwy lleol

- mwy o gyfathrebu un-i-un

Rydym bob amser yn gwerthfawrogi’r nifer o denantiaid sy’n gwirfoddoli i weithredu fel aelodau o’n Grwpiau Adolygu; yn anffodus ni fedrwn ddefnyddio pawb ohonoch sy’n rhoi eich enwau gerbron i gynrychioli barn tenantiaid ar y grwpiau hyn. Fodd bynnag, daliwch ati i wirfoddoli os gwelwch yn dda, mae digonedd o adolygiadau ar y gweill ac rydym bob amser yn defnyddio’r cyfle i ddefnyddio sgiliau lluosog a gwybodaeth ein tenantiaid.

Adolygiad Gwelliant Parhaus o Ddarpariaeth Cyngor Arian i Denantiaid

Mae’r Adolygiad o Gyngor Arian i Denantiaid wedi dechrau. Rwy’n falch i ddweud y cawsom ymateb da i’r cais i Denantiaid fod yn Aelodau o’r Tîm Adolygu a phenodwyd Debbie Crewe a Sue Dixon. Cwmpas yr Adolygiad yw:

- Ystyried effeithlonrwydd y gwasanaeth cyngor arian presennol sydd ar gael i denantiaid y Gymdeithas drwy gydol ei maes gweithredu daearyddol (mapio gwasanaeth);

- Adolygu’r gwasanaeth a ddarperir gan y Gymdeithas ar hyn o bryd yn cynnwys y ffordd y caiff tenantiaid eu hatgyfeirio at asiantaethau eraill yn yr ardal;

- Cytuno ar y system fwyaf effeithiol o ran cost ar gyfer sicrhau y gall tenantiaid:

a) Gynyddu a thrin eu hadnoddau ariannol eu hunain

b) Dileu/gostwng eu lefelau dyled

- Cyflwyno system ar gyfer monitro llwyddiant neu fethiant unrhyw system a fabwysiadwyd.

Byddwn yn ymgynghori â 25% o denantiaid a ddewiswyd ar hap.

Mae'r eitemau dilynol cysylltiedig â pherfformiad ar gael i'w lawrlwytho ar ffurf Adobe PDF o adran Lawrlwytho y wefan hon:

Adroddiad Perfformiad Blynyddol 2010

Adroddiad Blynyddol 2009

Arolygiad Swyddfa Archwilio Cymru – Crynodeb O’r Adroddiad

Arolygiad Swyddfa Archwilio Cymru – Ymateb Cymdeithas Tai Canolbarth Cymru